Datasikkerheit/personvern

I behandling av store datamengder må ein alltid ivareta personvernet. Dette vil i særleg grad gjelde der data er knytt til personar, og der ein ved samanstilling av fleire data ev. kan greie å tilbakeidentifisere personen. Når det gjeld data på drift og økonomi vil denne problematikken vere enklare.

Samhandlingsbarometeret nyttar ein allmenn regel om ikkje å offentleggjere data der det er under fem tilfelle/personar bak eit variabelval. Dette kan føre til at ein kommune ikkje får oppgitt data, men berre ei markering med ein strek.

Siden Samhandlingsbarometeret i stor grad hentar/låner data frå andre offentlege datakjelder har desse sjølve gjort vurderingar knytt til personvern/datasikkerheit. Samhandlingsbarometeret vil i regelen ikkje overprøve eller endre på desse.