Befolkningsframskriving

Forventa utvikling i folketal og alderssamansetning er sentralt for planlegging og prioritering av helse- og omsorgstenester. Framskrivingar gir eit kunnskapsgrunnlag for å vurdere framtidig behov for tenester, kapasitet og kompetanse. Endringar i aldersstruktur, særleg vekst i talet på eldre, har stor betydning for etterspurnaden etter helse- og omsorgstenester. Samstundes påverkar utviklinga i den arbeidsføre delen av befolkninga tilgangen på arbeidskraft. Statistisk Sentralbyrå (SSB) lager prognosar for befolkningsutvikling basert på eigne framskrivingsmodellar og presenterer dei ofte som tre ulike alternativ; høgt, middels og lågt anslag.

Definisjon

IIndikatoren inneheld fem variablarbasert på hovudalternativet til SSB (middels befolkningsvekst):

• Folketal i 2020
• Framskrive folketal i 2030
• Framskrive folketal i 2040
• Bærekraftbrøk eldre i 2020 og 2040 er kalkulert som tal vaksne 18-66 år delt på tal eldre 67 år og eldre.
• Forsørgarbrøk barn i 2020 og 2040 er kalkulert som tal vaksne 18-66 år delt på tal barn lik eller under 17 år.

Måltal

Indikatoren er vist som tal, prosentvis endring og brøk, og kan visast for alle aldrar samla eller aldersgruppene 0-17, 18-49, 50-66, 67-79, 80-89 eller over 90 år. Historisk utvikling og framskriving vert vist gjennom forløpskurver mot 2010-nivå og geografiske framstillingar av folketalsutvikling fram mot 2040.

Metodiske avklaringar

Framskrivingane er modellbaserte og inneber usikkerheit.Resultata vil kunne påverkast av endringar i føresetnader som fruktbarheit, levealder, flytting og samfunnsutvikling (t.d. oppretting eller nedlegging av store arbeidsplassar). Indikatoren bør tolkast som eit planleggingsgrunnlag, ikkje som presise prognosar.

Datakjelder

Statistisk sentralbyrå (SSB)

Tabell 14746 (framskrevet folkemengde per kommune)

Folkehelseinstituttet (FHI)