Status og historikk
Status og utvikling i folketal, og endring i samansetning av befolkninga, er sentralt i all form for planlegging, ikkje minst knytt til helse- og omsorgstenester. Vi ser at folketalet i større byar veks og prognosane tilseier at dette også vil halde fram i åra som kjem. Utkantkommunar får redusert folketal og ei sterkare forskyving mot dei eldre aldersgruppene.
Definisjon
Under indikatoren ligg fem variablar:
- Totalt folketal siste tilgjengelege år.
- Prosentvis endring i folketal dei siste to åra.
- Netto tilflytting målt som tal tilflytta minus tal fråflytta.
- Fødselsoverskot målt som tal fødde minus tal døde.
- Andel innvandrarar i prosent av befolkninga.
Måltal
Indikatorane er vist som tal eller prosentdelar, og kan visast for alle aldrar samla eller aldersgruppene 0-17, 18-49, 50-66, 67-79, 80-89 eller over 90 år. Utvikling over tid vert vist gjennom forløpskurver mot 2010-nivå og geografiske framstillingar av folketalsutvikling siste to år.
Metodiske avklaringar og tolking
Indikatoren byggjer på registrerte befolkningsdata og er påverka av kortsiktige svingingar, særleg i mindre kommunar. Endringar i enkeltkomponentar som flytting eller fødslar kan gi store utslag. Resultata bør derfor tolkast i samanheng med utvikling over tid og andre demografiske indikatorar.
Datakjelder
Statistisk sentralbyrå (SSB).