Ungdom som trenar sjeldnare enn éin gong i veka

Indikatoren viser andelen av 17 år gamle ungdomar som rapporterer å trene sjeldnare enn éin gong i veka, fordelt etter kjønn. Prosenttala byggjer på svar frå ungdom som deltok i den nettbaserte sesjon 1 i samband med vernepliktsregistreringa i Forsvaret.

Statistikkane vert publiserte av Helsedirektoratet og er presentert som eit treårig glidande gjennomsnitt. Dette inneber at tala er basert på overlappande treårsperiodar, der det siste året i kvar periode vert nytta som referanseår. Indikatoren inneheld tremåltal: den eine standardisert for kjønnsfordeling (kjønn samla), og den andre fordelt på kjønn (gutar og jenter).

Fysisk aktivitet omfattar meir enn berre trening, men andelen ungdom som trenar sjeldnare enn éin gong i veka kan likevel gje ein indikasjon på det generelle aktivitetsnivået. For lite fysisk aktivitet og høg grad av stillesitting er kjende risikofaktorar for fleire alvorlege sjukdomar, som hjarte- og karsjukdom, kreft og type 2-diabetes (Fysisk aktivitet - Folkehelserapporten - FHI).

Følgjande reglar ligg til grunn for å skjule data:

Statistikk basert på færre enn fem tilfelle vert skjult av personvernomsyn. Der befolkningssegmentet som tilfella er henta frå er mindre enn 10, vert også tala skjult av personvernomsyn. I tillegg vert statistikk for ei undergruppe skjult dersom talet for denne undergruppa, samen med talet for overgruppa, kunne vore brukt til å greie ut eit tal som er skjult av personvernomsyn.

Dersom meir enn 20 prosent av tala i ein tidsserie er skjult av personvernomsyn, vert heile tidsserien skjult for ikkje å skape eit skeivt inntrykk av situasjonen i kommunen. Tidsseriar vert også skjult der meir enn 50 prosent av tala i tidsserien er basert på 6 eller færre tilfelle.

Kjelde: Helsedirektoratet – (Folkehelsestatistikk og profiler - Helsedirektoratet)