Kronisk sjukdom

Omfanget av kronisk sjukdom i befolkninga har auka over tid, og særleg har gruppa med fleire kroniske sjukdommar samtidig (multimorbide/multisjuke) fått merksemd.

Identifiseringa av denne pasientgruppa skjer med bakgrunn i aktivitet basert på eit sett med ulike diagnosar i spesialisthelsetenesta, og der pasienten er frå 18 år og oppover. Eit sentralt krav er også at pasienten har fått behandling for lidingane innanfor same kalenderåret.

Tilstandane (diagnosane ICD-10) som ligg bak utplukket går fram av følgjande matrise:

Data er presentert etter følgjande inndelingar:

- Pasientar registrert med ein eller fleire kronisk sjukdomar i det aktuelle året: Kronisk sjukdom (1+)

- Pasientar med to eller fleire registrerte kroniske sjukdomar i minst 2 ulike organsystem i det aktuelle året; Multisjukdom (2+).

- Pasientar med 3 eller fleire kroniske sjukdomar i minst tre ulike organsystem; Kompleks multimorbiditet (3+).

- Utvikling av dei ulike gruppene over tid (forløpskurver).

- Aldersgrupper: 18-69 år og 70 år og over.

Det er generelt ikkje store skilnader mellom kjønna, slik at dette ikkje vert presentert (også for å unngå for små tal).

Det er viktig å vere merksam på at pasienten ikkje kjem med i denne statistikken dersom han/ho ikkje har vore innom spesialisthelsetenesta, eller berre har fått behandling for den kroniske lidinga i kommunehelsetenesta i det aktuelle året. Det same gjeld pasientar på kommunale institusjonar (sjukeheimar etc.) som får behandling der i staden for i spesialisthelsetenesta. Andelane vil difor omfatte dei mest behandlingskrevjande med kronisk sjukdom.

Det reelle talet på personar som har fått diagnostisert kronisk sjukdom ein gong i livet vil nok difor vere noko høgare enn det vi finn i datamaterialet,

Konfidensialitet: Der det er mindre enn 5 tilfelle i ein kommune blir desse filtrerte/skjult, men summert med på eit høgare aggregert nivå.

Talet på personar med kroniske sjukdommar vil auke med alderen, men når ein topp rundt 75-80 årsalderen for begge kjønn.

Det er vidare sentralt å vise kor mykje gruppa med multisjuke brukar av tenester både i spesialisthelsetenesta og kommunehelsetenesta i form av:

- Innleggingar, liggedagar og poliklinikkbesøk/dagbehandling

- Kommunale helsetenester: Konsultasjoner hjå fastlege/legevakt.

Det vil også vere noko overlapping mot gruppa med skrøpelegheit som er basert på registreringar som er gjennomført i kommunane (IPLOS-registreringar).

Teknisk: Dersom pasient flytter blir til-kommunen valgt for det aktulle året (for å unngå dobbelt telling på aggregert nivå).

Kjelde: NPR (Norsk Pasientregister)/KPR (Kommunalt Pasientregister)