DEFINISJON

Reinnlegging er ein ny akuttinnlegging som skjer mellom åtte timar og 30 dagar etter utskriving frå eit forutgåande sjukehusopphald. Dette er uavhengig av årsak, og kva sjukehus det skjer på.

Indikatoren vert berekna for pasientar som er mellom 0 og 69 år og eldre enn 70 år.

Talet på akutte reinnleggingar innan 30 dagar per 1000 innbyggjarar (i aktuell aldersgruppe) er eit sentralt parameter knytt til samhandlinga mellom kommune- og spesialisthelsetenesta. Mange av desse innleggingane har i utgangspunktet klare og nødvendige årsaker. Men kan også komme som følgje av at kommunehelsetenesta ikkje kan ta seg av oppfølging og rehabilitering av pasienten etter utskriving, eller at pasienten er utskrive for tidleg. Ein kan då ende opp med ei ny innlegging som kunne vert unngått («svingdørspasientar»), eller andre tilstander som kanskje kunne vert behandla mens pasienten var innlagt første gongen.

Innleggingar som ein kan unngå/førebygge vil vere av verdi for både pasient (særleg eldre og skrøpelege), pårørande og helsevesenet.

Indikatoren er oppgitt som rate pr. 1000 innb. i den aktuelle aldersgruppa og for kommunen pasienten høyrer til, og i antall personar det handlar om. Sumtalet for alle gruppene kan skilje seg litt frå dei to enkeltverdiane grunna avkortingar av desimalar i beregningane som ligg bak.

Kjelde: Reinnleggelse blant eldre 30 dager etter utskrivning - Helsedirektoratet