Spesialisthelsetenester etter hovuddiagnosegrupper (ICD10)
Denne indikatoren viser kor mykje spesialisthelsetenester (innleggingar, liggedagar, polikliniske konsultasjonar inkl. dagbehandling og avtalespesialistkonsultasjonar) som er brukte samla sett og for kvar hovuddiagnosegruppe i tidsperioden.
Tala er basert på årleg gjennomsnittsverdi for 2-årsperiodar (sjå under «Velg periode»). Endelege data kjem ofte først eitt år på etterskot. Der det er markert med * er det anten ikkje heilt endelege tal, eller det er gjort estimat av heile året ut ifrå tal for 1. eller 2. tertial. Tala for det siste året må difor tolkast med forsiktigheit.
Alle pasientar som blir behandla i spesialisthelsetenesta får tildelt ein diagnosekode etter diagnosesystemet ICD-10 (International Statistical Classification of Diseases and Related Health Problems).
ICD er inndelt i 20 hovudkapittel med ulike sjukdomsgrupper, som igjen inneheld mange einskilddiagnosar.
Samhandlingsbarometeret publiserer data på kommune- og bydelsnivå av tenester frå spesialisthelsetenesta knytt til desse hovudgruppene i ICD-10.
Dette kan gje haldepunkt for ulikt forbruksmønster av spesialisthelsetenester knytt til opptakskommunane, inkl. kva fagområde desse handlar om, og utviklinga av bruk over tid.
Det fortel ikkje om talet på enkeltpasientar i kvar kommune, då kvar pasient kan ha fleire opphald/besøk i spesialisthelsetenesta årleg. Det er også varierande praksis og tersklar mellom kommunane når det gjeld å sende tilvisingar til spesialisthelsetenester.
Kjelde: Uttrekk frå Norsk Pasientregister (NPR).