Forventa levealder ved fødsel

Statistikken viser 15 års glidande gjennomsnitt.

Forventa levealder er kanskje den mest brukte indikatoren på folkehelsa i ei befolkning. Variabelen gjev informasjon om den generelle helsetilstanden og korleis folkehelsa utviklar seg over tid. Forventa levealder ved fødsel vert berekna ved hjelp av dødelegheitstabellen.

På lands- og regionnivå er dette ein stabil og påliteleg indikator som gjev informasjon om endringar over tid, og om skilnader mellom ulike befolkningsgrupper. Indikatoren er informativ også på kommunenivå, dersom ein tek omsyn til tilfeldige svingingar.

Over tid har alle grupper i landet fått betre helse, men helsegevinsten er størst for gruppa med lang utdanning og høg inntekt. For eksempel har denne gruppa høgare forventa levealder enn dei med kortare utdanning og lågare inntekt. Særlig har helseskilnadane auka dei siste 10 åra, dette gjeld både fysisk og psykisk helse. Utjamning av sosiale helseskilnader er ei viktig målsetting i folkehelsearbeidet.

Kjelde: https://khs.fhi.no/webview/