Sjukeheimar - førekomst av helsetenesteassosierte infeksjonar (HAI)
Indikatoren syner andel infeksjonar mellom bebuarane i sjukeheimar på eit gitt tidspunkt. Dette er summen av fire ulike infeksjonstypar (urinvegsinfeksjonar, nedre luftvegsinfeksjonar (lungebetennelse), infeksjon i operasjonsområde og hud- og sårinfeksjonar). Berre infeksjonar som har oppstått i sjukeheimen skal registrerast.
Helsetjenesteassosierte infeksjoner (HAI) er vanlege og viktige årsaker til sjukdom hjå bebuarar i sjukeheimar, og påfører desse ekstra liding, risiko for innlegging i sjukehus, og auka dødelegheit. Truleg kan mange HAI førebyggast.
Kvalitetsindikatoren er basert på prevalensundersøkingane (førekomst) av helsetenesteassosierte infeksjonar og antibiotikabruk i sjukeheimar (NOIS-PIAH), og som blir utført kvart år i mai og november.
Prevalens er ein relativt upresis registreringsmetode, og gjev berre eit augeblikksbilde av situasjonen. Ved små tall vil også den tilfeldige variasjonen vere stor. I tillegg kan det vere variasjon i registreringspraksis. Resultata bør derfor tolkast med varsemd. Samansettinga av brukargruppa i den aktuelle sjukeheimen kan også verke inn.
Sjukeheimane må vurdere eigne infeksjonsresultat og behovet for kvalitetesforbetringsarbeid. Det er obligatorisk å delta i dei nasjonale prevalensundersøkingane. Dei skal også ha infeksjonskontrollprogram som beskriv systematiske tiltak for førebygging av infeksjonar.
Datakjelde: Helsedirektoratet – kvalitetsindikatorar