Akutte ambulanseoppdrag
Tida til ein pasient får nødvendig helsehjelp etter ei alvorleg hending, er av avgjerande betyding for å unngå unødvendig tap av leveår og redusert funksjonsnivå. Ambulansepersonalet skal rapportere når ambulansen parkerer på staden for hendinga og det er dette tidspunktet som blir brukt i berekning av indikatoren. Ambulanseoppdrag blir delt inn i ulike hastegrader (fargar). For akutte og alvorlege hendingar der tidsaspektet er viktig (også kalla raude oppdrag eller 113-hendingar) er målsettinga å nå fram til pasienten innan 12 minutt etter varsling i tettbygde strøk, medan ein for grisgrendte strøk har sett dette til 25 minutt. Dette skal omfatte 90% av alle henvendingane i området.
Definisjon
Indikatoren viser tal akuttoppdrag og responstid for akutte hendingar med hastegrad rød, og der hastegraden ikkje har blitt endra undervegs. Kommunar med både tettbygd og grisgrendt strøk er presenterte med tal for tettbygd eller grisgrendt, avhengig av kvar i kommunen hendingane har skjedd.
Måltal
Indikatoren viser tal akuttoppdrag per 1000 innbyggjarar og median responstid. Medianverdien er verdien som er i midten av alle registreringane, og kan i varierande grad skilje seg frå gjennomsnittet som ofte blir brukt i andre samanhengar. Utvikling over tid (mot år 2020) visast i forløpskurver og geografisk variasjon mellom kommunar (tertilar per 1000 innbyggarar) i kartvisning.
Metodiske avklaringar og tolking
Tal hendingar varsla til AMK vil vere annleis enn tal oppdrag fordi fleire ambulanseoppdrag kan vere knytt til den same hendinga.I kommunar med mykje turisme/gjestande vil også oppdrag til desse være inkluderte. Båt- og luftambulanse er ikkje med i dette talmaterialet.
Datakjelder
Helsedirektoratet - Nasjonale kvalitetsindikatorar