Barn og unge i hushaldningar med vedvarande låginntekt

Barn i låginntektsfamiliar er særleg sårbare fordi økonomiske rammer påverkar både helse, deltaking og moglegheiter. Låginntekt er knytt til høgare førekomst av helseproblem, redusert livskvalitet og større risiko for å falle utanfor sosiale arenaer [1]. Forsking viser òg at barn i hushald med vedvarande låg inntekt, oftare opplever dårlegare buforhold, mindre tilgang til fritidsaktivitetar og meir stress og usikkerheit i kvardagen [2]. Sidan barndomserfaringar legg sterke føringar for helse og samfunnsdeltaking seinare i livet, er indikatoren sentral for å identifisere grupper med behov for målretta tiltak.

Definisjon

Vedvarande låginntekt er definert som hushaldningar med samla inntekt etter skatt under 60% av gjennomsnittsinntekta (EU-skala). Dette omfattar også faktorar som sosialhjelp og kapitalinntekter.

Måltal

Indikatoren viser andel (%) barn og unge i hushaldningar/familiar som har vedvarande låg inntekt.

Datakjelder

Statistisk sentralbyrå (SSB)

Referansar

[1] SSB. Økonomi, helse og livskvalitet. Rapport 2020/29

[2] Folkehelserapporten, Folkehelseinstituttet